Dr. Esmeralda Dani, qe e ftuara e radhës si psikologe klinike për Departamentin e Shkencave të Edukimit, në degën Pedagogji e Psikologji Këshillimi. E specializuar në Itali në çështje të Psikologjisë Klinike dhe të Psikologjisë së këshillimit dhe e doktoruar po në Itali në çështje që krijojnë një urë ndërlidhëse midis edukimit dhe psikologjisë, znj.Dani merret me formimin e identitetit në të gjitha përmasat e tij, prandaj në seminarin e radhës u ndal në “Origjinën psikologjike të dhunës”. Leksioni i saj i hapur u përqendrua nënatyrën dhe origjinën e dhunës, agresivitetin tek njeriu, mendimtarëtqëjanë shprehur për këtë, si e kanëpërkufizuar dhe çfarë zgjidhjesh kanë menduar të japin. Në këtë takim shumë prej diskutimeve u përqendruan në cështje të tilla si 1-"Sa rëndësi ka pyetja:Kush jam unë? në identifikimin e problemit dhe shmangien apo drejtpeshimin kundrejt energjive negative. 2-Cilat janë disa nga mënyrat e shmangies e zvogëlimit apo të zbutjes sëkëtij agresiviteti, me anë të shndërrimit të energjive negative në energji vepruese pozitive.3-Cilat janë në këtë drejtim përvojat, modelet, mundësitë.
Takimi vazhdoi si një ndërthurje pyetje-përgjigjesh, bisede, diskutimi, prezantim përvojash mes psikologes, studentëve dhe pedagogëve të departamentit të pranishëm. Me interes qenë këndvështrimet e pedagogut Lokman Coskun, i cili solli edhe përvojën turke, studentët e huaj dhe ato shqiptarë, të cilët e zhvendosën vëmendjen në përvojat dhe traditat përkatëse në këtë drejtim.
Në sajë të këtij takimi bashkëbisedues të gjallë e ndërveprues, mes studentëve dhe psikologes, u përvijuan edhe pikëpyetje për diskutime e takime të tilla të ardhshme me tematika të caktuara si Xhelozia, Bullizmi etj.
Foto Gallery
https://www.facebook.com/media/set/?set=a.1037801666234478.1073741961.270663142948338&type=1
Marlise Sanchez Torres, specialiste në fushën e edukimit, mbajti seminarin e parë me studentët e Departamentit të Shkencave të Edukimit në kuadër të ciklit të seminareve që do të zhvillohen si projekt në zhvillimin profesional të studentëve.
E specializuar në vende të ndryshme të botës si Kosta Rika dhe Japonia znj Torres njohu studentët me mënyrën e injektimit të kulturës “Unë mundem” në një klasë shkollore.
Seminari u fokusua në shpjegimin e teknikave që ndihmojnë një mësues në ndërtimin e vetëvlerësimit në personalitetin e fëmijës gjatë procesit të mësimdhënies. Mësuesi duhet të ketë parasysh që në themel të edukimit të fëmijës duhet të qëndrojë optimizmi e dëshira për të vazhduar përpara dhe për të mos u dekurajuar pavarësisht gabimeve apo sfidave që ata përballen.
Sipas zj. Torres disa nga teknikat më influente gjatë mësimdhënies janë: Formimi i një mjedisi miqësor në klasë ku gabimet janë të pranuara dhe prej tyre mund të mësohet, nxitja e kuriozitetit tek fëmijët duke i’u dhënë liri zgjedhjeje në tema që u interesojnë atyre, fëmijëve tu jepet mundësi për tu shprehur e cila do të zhvillonte aftësinë për të e diskutuar, angazhimi edhe prinderërve në kurrikulën mësimore, lidhja e temave të mësimit me eksperiencë nga jeta e përditshme etj.
Aktiviteti vazhdoi më tej me pyetje të cilat çuan në diskutime të gjata midis zj. Torres dhe studentëve të shkencave të edukimit në Univeristetin Bedër.
Foto Gallery
https://www.facebook.com/media/set/?set=a.1033926429955335.1073741958.270663142948338&type=1
Ditën e Shtunë datë 23.01.2016 pranë ambjenteve të Universitetit Bedër, Studentët e Masterit shkencor në Psikologji Këshillimi dhe Pedagogji dhe njëkohësisht anëtarë të klubit “Psikologët e Rinj” organizuan një workshop në lidhje me sfidat që një psikolog has në Shqipëri. Në këtë workshop morën pjesë studentë të masterit në programin Psikologji klinike të Universitetit të Shkodrës dhe Universitetit të Shkencave Sociale në Tiranë. Në këtë workshop u përfshinë çështje të rënditura më poshtë:
1. Sfidat e Psikologut klinik në Shqipëri
2. Informacion mbi kurrikulat. Cilat janë përshtypjet tuaja , çfarë është prezente dhe cfarë mungon?
3. Probleme me internship. Çfarë keni hasur gjatë eksperiencave tuaja? Si mendoni se mund të zgjidhet problematika e internship-eve?
4. Cilat mund të jenë disa projekte që mund ta bëjnë figuren e psikologut të besueshëm?
5. Çfarë lloj trajnimesh mund të ofrojnë institucionet? Cilat janë disa nga kurrikulat që mund të përfshihen?
6. Organizimi i praktikave gjatë programit të masterit
7. Çështjet e këshillimit personal të psikologëve.